অনামিকা চুতীয়া চিৰিং

নীলা নীলা মুকুতাৰ মালা

(কবিঃ অনামিকা চুতীয়া চিৰিং) চোৱাচোন সখি
সময় যে গৈছে উৰি
পাৰি জানো ধৰিব ৰাখি !
জানানে সখি
জীৱনটো বোলে বৰ ছুটি !
সেয়েহে জানো ভাল নালাগে
আবেলিৰ বেলি ?
অ' সখি ,
নীলা নীলা মুকুতাৰ মালা
আমাৰ সম্বন্ধৰ ধাৰা
বিশ্বাসবোৰ তাৰ ঠিয় গৰা ;
সময়ৰ বালিচৰত আমাৰ
সমন্ধৰ ভঁৰাল
মৰম-ভালপোৱাবোৰ তাতে বান্ধে ক'ৰাল !
সখি
জীৱনৰ মায়াবোৰ বুটলি বুটলি
নালাগেচোন আমনি !
তাতে যে ভাঁহি আহে মিলন ৰাগিনী ।
ব্ৰক্ষ্মপুৱাতে শেতেলী এৰি
কুঁৱলীৰ মাজলৈ গ'লো ,
চাৰিওফালে ব'গা মাথোঁ ব'গা
কুঁৱলীৰ স্নিগ্ধতা ;
আলফুলে সাৱটি ধৰিলো
নাই সখি,
নোৱাৰিলো জানা ধৰিব সাৱটি
মাথোঁ অনুভৱহে কৰিলো ।।
সকলোলৈ সুপ্ৰভাত জনালো ।।