নিকুমণি শইকীয়া

ধাৰাবাহিকতা

কবিঃ নিকুমণি শইকীয়া

ক্ৰমাত্‍
আন্ধাৰে গ্ৰাস কৰি আনিছে
চিনাকী চহৰখন ,
লোডশ্বেডিংত অভ্যস্থ মানুহ বোৰ
শব্দৰ প্ৰদুষণ
গমিব পাৰি
এক অঘোষিত প্ৰতিযোগিতা চলিছে
ক্লান্তিৰ প্ৰলেপ নাই
যদিও
ভগৰুৱা ৰাজপথত
ধৰুৱা জীৱন
ধাৰাবাহিকতাত হেচি ঠেলি
আগবাঢ়ে
বেচিজিল এক জীৱন্ত
অথচ তিক্ত পদ্ধতি
জীয়াই থকা
আওমৰণে মৰা ভয়ত ।
ধাৰাবাহিকতাতে
সামৰি লয়
আন এক
ধাৰাবাহিকতা ।