তোমাৰ প্ৰেমত পৰিবলৈ মন নাই অকনো ,
জীৱনৰ বিলাসী প্ৰেমিকা হৈ পাৰ কৰিব মন মোৰ আৰু কেবাটাওঁ বসন্ত ৷
ধাৰ্য্য কৰি নিদিবা মোৰ বাবে
কিছু পলৰ আনন্দ ,
জীৱনক উপভোগ কৰি
পৰাজয় কৰিব বিচাৰো
হেৰাই যোৱাৰ সেই আতুৰতা ৷
অনামিকাত ধৰি
কোনোবাই দেখুৱাব নেকি
তোমাক পৰাজয় কৰাৰ
বাট ?
তোমাৰ সতে হেৰাই গ'লে
কাৰোৱাৰ বুকুৰ এফাল হৈ পৰিব শূণ্য ,
হাজাৰ প্ৰতিশ্ৰুতিয়ে কৰিব
প্ৰতাৰণা কাৰোবাৰ নিৰ্ভেজাল মৰমক ৷
মৃত্যু...
তুমি পাহৰি যোৱা মোক
কিছু সময়ৰ বাবে ,
মোক পুনৰ হৈ পৰিব দিয়া
জীৱন উপভোগৰ বিলাসী প্ৰেমিকা ৷
No comments:
Post a Comment