ৰঞ্জুমনি মহন্ত

---

---

বসন্ত-2

ফাগুনে নিঃস্ব কৰা
প্ৰকৃতিৰ বাবে এক
কুঁহিপতীয়া সম্ভাৱনা হৈ
বসন্ত আহে ।
খৰালিত শীৰ্ণ হোৱা
নৈ লৈও আনে
পূৰ্ণতাৰ সম্ভাৱনা ।
চহা পিতাইৰ দুচকুতো
বসন্তই সিচি দিয়ে
এপথাৰ সেউজীয়া ।
কিমান যে সম্ভাৱনা লৈ
বসন্ত আহে !
যেন সম্ভাৱনাৰেই
আন এটা নাম বসন্ত।
আৰু মোৰ বাবে ?
আচলতে তয়েই
মোৰ বাবেএক
বাসন্তী সম্ভাৱনা ।
তোৰ বাবেই দুচকুত
সপোনৰ ভৰ ।
দুখৰ দিনতো
সুখৰ সাজ পিন্ধি
তোৰ বাবেই গাই যাওঁ
জীৱনৰ স্বৰ।
ৰঞ্জুমণি মহন্ত ।

---

---