ৰঞ্জুমনি মহন্ত

ঠিকনা

( কবিঃ ৰঞ্জুমনি মহন্ত ) সেয়া বহু দিনৰ আগৰ কথা।
তুমি আৰু মই যে
ঘুৰি ফুৰিছিলো,
প্ৰেমৰ দিকচৌ বনত,
হাতে হাত ধৰাধৰিকৈ,
কথা আছিল ,
তুমি আকাশ হোৱাৰ
মই তৰা ,
তুমি নদী হোৱাৰ
মই পানী
সেইবোৰ এতিয়া সাধুকথা।
তাৰ পিছতেই ,
ঠিক তাৰ পিছতেই
তুমি পাহৰিছিলা মোৰ ঠিকনা,
আৰু মই হেৰুৱাইছিলো প্ৰেমৰ।
ৰক্তাক্ত কলিজাৰে,
উন্মাদৰ দৰে,
মই যেতিয়া বিচাৰি ফুৰিছিলো
হেৰুৱা ঠিকনা,
তুমি বিচাৰি লৈছিলা নতুন ।
আৰু,
তেতিয়াৰে পৰাই,
ঠিক তেতিয়াৰে পৰাই মই,
হেৰুৱাই পেলালো,
মোৰ পৰাই মোক, নিজক।